Уапсен е наводниот лидер на групата која го организараше обидот за преврат во Турција

Наводниот раководител на мрежата, која го организирала пучот во Турција е уапсен.

Како што јавија турските медиуми, станува збор за Мухарем Ќосе, полковник и правен советник на Генералштабот на турската војска, кој се смета за клучно лице во организирањето на обидот за преврат. 

Веста за апсењето, пристигна во моментот, во кој Турција побара екстрадирање на исламскиот проповедник Фетхулах Ѓулен, кој живее во САД. Анкара смета дека и тој стои зад обидот за преврат. 

Турскиот министер за правда Бекир Боздаг нагласи, дека Турција и испратила на САД четири досиеја за Ѓулен. САД потврди дека  ги добиле документите.