Турско министерство со список на компјутерски игри кои влијаат штетно кај младите

Турското Министерство за млади и спорт подготвува список со дигитални игри што негативно влијаат врз младите, објавија турски медиуми.

Министерството формирало посебен тим што ќе установи критериуми за игрите со негативно влијание меѓу кои и игри со исламофобски материјали, употреба на дрога, порнографија и насилства.

За таа акција информиран е и парламентот и во анализата на Министерството се наведува дека во Турција моментно има околу 25 милиони „гејмери“.

Меѓу игрите што се вклучени во списокот со материјали со исламофобска содржина се "Guitar Hero 3", "Devil May Cry", "Resident Evil", "Hitman", "Muslim Massacre", "Bomb Gaza", "Pacman".