„Туркиш Ерлајнс“ откажа 116 летови од Истанбул

Во очекување на обилни снежи врнежи во реонот на Истанбул, турскиот национален авиопревозник „Туркиш Ерлајнс“ откажа вкупно 116 летови од и кон истанбулските аеродроми „Ататурк“ и „Сабиха Ѓокчен“, што беа планирани за денеска и за утре.

Според електронското издание на весникот „Хуриет“, сите патници кои денеска и утре требало да патуваат со авионите на „Туркиш Ерлајнс“ од или кон Истанбул, подетални информации за откажувањата може да добијат на веб страницата на авиокомпанијата.

Поради лошите временски услови во Истанбул, локалните власти објавија и дека во прекин ќе биде и сообраќајот на чамците и тракетите преку Босфорот, кои ги поврзуваат европскиот и азискиот дел на градот.