Турист починал по пад од балкон и убил едно лице во Шпанија

Еден турист во Шпанија починал откако паднал од балкон на хотелот, и го убил човекот врз кого паднал, јави Скај њуз.

Првата жртва е 50-годишен турист од Англија, кој паднал од балконот на неговата хотелска соба на седмиот кат. Другата жртва е 43-годишен Шпанец. Несреќата се случила во градот Марбеља во регионот Коста дел Сол.

Полицијата на лице место потврди дека двајцата мажи се мртви.

Сè уште не е познато зошто човекот паднал, а истрагата за случајот е во тек.