Турците заинтересирани за организирани тури во Македонија
Туристичката понуда на Македонија деновиве беше промовирана пред 40.000 посетители на саемот за туризам во Измир, Турција.
Како што соопшти Агенцијата за промоција и поддршка на туризмот која го организираше учеството, на саемот од 8 до 11 декември учествуваа преку 1.000 излагачи, а заинтересираноста за организирани тури во Македонија и Балканот беше огромна.
Претставници на Агенцијата остварија бројни состаноци со турски тур-оператори меѓу кои и Pronto Tour, Ecc tour, Fides travel, Enka Tatil, Ephesus travel, Italtur, Мika tur, Сakra tur, Travel to business (MICE agency), Ѕuveys tur,...
Штандот на Македонија на кој ко-егзибитори беа Балканс тајм, Бадем тур, Ибегалис и Буши респрт&спа, го посетија турскиот министер за култура и туризам, Наби Авци и градоначалникот на Измир, Азиз Коцаоглу.
Според Агенцијата, турските туристи се главно повозрасни (40-65 години) и се заинтересирани за групно патување, додека помладите сакаат патувањето да им трае подолго и да го организираат по сопствена желба. Кога се во посета на Македонија и Балканот, Турците се заинтересирани за историја, култура и храна кои доаѓаат како резултат на блиската историја на овие две земји и желбата на Турците да ја истражат истата.
Поради фактот дека 2016 година е една од најслабите за Турција во поглед на туризмот со регистриран огромен пад во бројот на туристи, очекувањата на турските тур-оператори за 2017 година се насочени кон стабилизација, па и раст во бројот на туристи како и на интересот за патување.
Ново на Сител
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа