Турција: Зоните за безбедност во Сирија ќе ги вклучуваат Идлиб, дел од Алепо, Латакија и Хомс

Турското Министерство за надворешни работи соопшти денеска дека зоните за безбедност во Сирија ќе ја вклучуваат целата првинција Идлиб, како и дел од Алепо, Латакија и Хомс. 

Министерството посочи дека согласно договорот ќе биде забрането секакво користење на оружје во тие зони и на тој начин ќе биде овозможена достава на хумантарна помош. 

Турција, Иран и Русија потпишаа денеска договор, што предвидува да бидат создадени „деескалациони зони“ во Сирија со цел намалување на насилството на нејзината теротирија. 

Договорот беше потпишан за време на преговорите за Сирија во Астана.