Турција води интензивни преговори со Русија за прекин на огнот во Алепо

Турција води интензивни преговори со Русија за прекин на огнот во Алепо и овозможување дистрибуција на хуманитарна помош во воено разурнатиот сириски град, соопшти денеска Ибрахим Калин, портпаролот на турскиот претседател Реџеп Таип Ердоган, пренесува БТА.

На прес-конференцијата во Анкара, Калин изјави дека силите на сириската влада  во Алепо вршат злосторства против човештвото и воени злосторства.

Според портпаролот, исто така, во северниот дел на провинцијата Алепо, сириските курдски Сили за заштита на народот (СЗН) работат заедно со силите на режимот на сирискиот претседател Башар ал Асад.