Турција објави успешен крај на операцијата „Еуфратски штит“ во Сирија
Турскиот премиер Бинали Јилдирим прогласи крај на воената операција „Еуфратски штит“ на турската војска во Сирија, јави ТАСС.
Во интервјуто за телевизијата „НТВ“ турскиот премиер нагласи дека операцијата била успешна и довела до воспоставување на целосна контрола врз градот Ел Баб.
Тој наведе дека ако во иднина се наложи нова турска воена операција, таа ќе биде различно именувана.
Јилдирим појасни дека евентуалната нова воена операција може да биде подготвена и реализирана „како против групата Исламска држава“ така и во случај на појава за закани за националната безбедност на Турција.
За „успешното завршување на операцијата“ претходно соопшти и Советот за национална безбедност на Турцја.
Според официјалното соопштение на Советот, целта на операцијата била „спречување на напади и закани од страна на ИД, создавање на можност за враќање на Сиријците во нивната земја и обезбедување на услови за безбеден и мирен живот за нив“.
Операцијата „Еуфратски штит“ започна на 24 август 2016 година.
Според првичните информации, турските војници се уште остануваат на сириската територија.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево