Турција испрати нови докази до САД за вмешаноста на Ѓулен во пучот
Турција до САД достави нови документи со кои се докажува поврзаноста на исламскиот проповедник Фетлух Ѓулен со обидот за преврат во земјата во јули минатата година, објави весникот „Хуриет“.
Според истиот извор, овие доказни материјали се дополнување на барањето до Вашингтон за екстрадиција на Ѓулен, кого Анкара го обвинува дека е организатор на неуспешниот обид за воен удар.
Новите докази содржат изјави на Адил Јоксиз, кој е еден од првоосомничените за организирање на пучот. Според турските власти, Јоксиз неколку дена пред обидот за преврат на 15 јули 2016 година, престојувал во САД каде Ѓулен живее во доброволен егзил.
Меѓу новите документи е приложен и обвинителниот акт на Јавното обвинителство од Измир, со кој за организирање на неуспешниот преврат се товарат вкупно 270 лица, меѓу кои и Ѓулен.
Според обвинението тие се товарат за „обид за уривање на уставниот поредок, обид за попречување на функционирањето на турскиот Парламент и за членство во вооружена терористичка организација“.
Судењето на обвинетите за обидот за преврат почна денеска во Измир, во рамки на, како што оценија турските медиуми, најголемиот судски процес во историјата на Турција. Во овој процесот на Ѓулен му се суди во отсуство.
Анкара уште минатото лето побара од САД да го екстрадираат Ѓулен во Турција, но Вашингтон соопшти дека ќе ја одобри екстрадицијата доколку добие недвосмислени докази за негова поврзаност со обидот за преврат.
Ѓулен од своја страна отфрла каква и да било вмешаност или поврзаност со неуспешниот пуч.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден