Турција и официјално побара од САД да го уапси Ѓулен
Турското Министерство за правда официјално побара од САД да го уапсат Фетулах Ѓулен, кој од турските власти е обвинет за обид за преврат на 15 јули, јави Анадолија.
Според претставници на Министерството Анкара испратила до американското Министерство за правда писмено барање за времено притворање на исламскиот проповедник Фетулах Ѓулен, кој живее во САД од 1999 година.
Во барањето за апсење се тврди дека обидот за преврат од 15 јули бил извршен по наредба на Ѓулен и под негова команда.
- Освен за многуте криминални дела, извршени во нашата земја, по тоа лице се трага со барање за притворање како човек, под чија наредба беше извршен крвавиот обид за преврат на 15 јули 2016 година, се вели во текстот.
Кон него е додаден и налогот за запсење, издаден од Суд во Анкара во врска со истрагата, која за Ѓулен ја води анкарското Обвинителство.
Барањето за апсење се упатува врз основа на билатералната спогодба меѓу Турција и САД за екстрадиција и казнени постапки за криминалци.
Ново на Сител
-
Тема на денот со Андреј Петров
-
Гаши ги распиша изборите, првиот круг локални на 19 октомври
-
Истрага за полицаецот кој без налог сакаше да ја приведе директорката од Демир Хисар
-
Министерот за здравство и ги одзеде ингеренциите на Стоматолошката комора поради сериозни пропусти
-
СДСМ пак предлага минималец од 500 евра, ВМРО-ДПМНЕ чека договор меѓу синдикатите и работодавачите
-
Петрушевски: Каде се СДС сега да го нападнат главниот обвинител Коцевски или да прашаат за некоја истрага?
-
И годинава атракција пловењето по Охридското Езеро
-
Македонија единствена држава на Балканот која нема своја историска база на податоци