Турција е подготвена да плати отштета за урнатиот руски воен авион

Турскиот премиер Бинали Јилдирим рече дека Турција би се согласила да плати обештетување на Русија во врска со уривањето на нејзиниот воен авион.

- Соопштуваме дека, ако е потребно, ќе платиме и обештетување, бидејќи сакаме односите да се нормализираат. Така стојат работите, волјата не е еднострана, туку обострана, изјави Јилдирим синоќа за државната телевизија ТРТ.

Овој став уследи само неколку часа откако медиумите го обjaвија писмото на турскиот претседател Реџеп Таип Ердоган до неговиот руски колега Владимир Путин, во коешто искажува жалење за случајот со гранатирањето на рускиот авион во ноември минатата годинна и изрази волја за подобрување на билатералните односи.