Тур де Франс: Фото финиш ја одлучи 7. етапа

На престижната велосипедска трка, Тур де Франс денеска се возеше една од најдолгите етапи , 230 километри од Белфорт до Шалон сур –Саон.

            Победи холандскиот спринтер Дилан Груневеген  кој беше најбрз во самиот финиш на етапата  претекнувајќи го Калеб Јуан кој мораше да се задоволи со второто место. Носителот на зелената маичка Питер Саган се искачи на подиумот како третопласиран.

            Жолтата маичка и натаму е во сопственост на Џулио Чиконе со само 6 секунди предност пред Жулиен Алафилип.  Утре се вози 8. Етапа во должина од 200 километри со цел во Сен Етјен.