Тројца војници загинаа, а 15 се повредени во нови судири во Украина

Тројца украински војници загинаа, а 15 други се повредени во последните 24 часа во борбите со проруските сили, соопшти денеска украинската армија.

Тоа се први поголеми загуби откако стапи во сила примирјето на 1 септември.

Во изминатите две недели дојде до значитечно намалување на непријателството во источниот дел на земјата, со што е поттикната надежта за успех на Договорот од Минск, склучен пред 18 месеци со цел да прекинат судирите, сметаат набљудувачите.

Портпарол на украинската војска денеска истакна дека во изминатите неколку дена „сепаратистите првпат овој месец употребиле тешко вооружување и директно нападнале украински позиции во регионот Луганск“.