Трибина за „Дигитализација на јавните услуги“ во Штип
Во организација на Министерството за информатичко општество и администрација денеска во Штип ќе се одржи првата од серија трибини на тема „Дигитализација на јавните услуги“.
На трибината, како што информираат од МИОА, ќе се зборува за дигитализацијата на земјата, како и за нејзината улога во професионализирањето на јавната администрација. Посебен фокус ќе се стави на Националниот портал за електронски услуги како електронска платформа достапна на https://uslugi.gov.mk, преку која на граѓаните им се овозможува да добијат информации за јавните услуги и да користат е-услуги од надлежни органи, значително олеснувајќи го административниот процес.
За дигитализацијата на земјата ќе говори министерот за информатичко општество и администрација Дамјан Манчевски и градоначалникот на Општина Штип Благој Бочварски. Дополнително, на трибината ќе говори и проф. Зоран Здравев од Факултетот за информатика при Универзитетот „Гоце Делчев“ – Штип како претставник од академската заедница. Бизнис заедницата ќе ја претставува Хајди Клинчарска, искусен веб-девелопер и менаџер од „Лупифај“.
Пред почетокот на трибината ќе има презентација на просторот во зградата на Општина Штип, каде граѓаните ќе можат да се регистрираат на порталот за е-услуги.
Ново на Сител
-
Крешник Бектеши се уште е на разговор во полициска станица Карпош
-
Најголем број од повредените од Кочани се во скопските клиники
-
Во тек се рочишта за пожарот во дискотеката во Кочани, се уште тече истрагата на ЈО
-
Се уште нема нови информации од информативниот разговор со Крешник Бектеши
-
Заклучена врата за излез во случај на опасност, слаба заштита и незаконски огномет - низа пропусти во клубот во Кочани
-
Пациенти од Штип и Кочани се пренесуваат на скопските клиники
-
Повеќе од 4 часа трае информативниот разговор со Крешник Бектеши
-
Повредените хоспитализирани во Скопје и земјите од регионот