Три страшни несреќи вчера ја потресоа Македонија

 

Во 18 часот на улицата „Иван Милутиновиќ“ во куќата на Т.П. во Куманово, била пронајдена мртва жена. Според податоците од полицијата, се работи за 62-годишната П.Д. која таму живеела под кирија. Од страна на лекар од Итна медицинска помош за жал можела само да биде констатирана смрт. На телото на починатата немало траги на насилство.

 

Инаку, сега починатата претходно била пријавена за исчезната.

 

Исто така, во 19 часот синоќа било пријавено дека во водите на реката Вардар во населба Острово било забележано безживотно тело на маж. Според податоците на полицијата, се работи за 87-годишниот К.Д. од Скопје, кој од случајни минувачи бил изваден од реката.

 

Од екипа на Итна медицинска помош констатирана е смрт.

 

Шеесет и четиригодишен тракторист од кумановско Доброшане, починал вчера околу 9:40 часот во село Бајловце.

 

Според, СВР Куманово трактористот собирал сено со трактор на кој имало прилучена дополнителна земјоделска алатка. Тракторот во еден момент се превртел и врз земјоделецот паднала приклучната алатка. Лекарите само ја констатирале смртта.

 

Увид на местото на несреќата извршила екипа на СВР Куманово по овластување на Основното јавно обвинителство. Телото на починатиот е предадено на семејството.