Три години затвор за Верушевски
Кривичниот суд денеска го осуди поранешниот директор на УБК Зоран Верушевски на три години затвор за недозволено поседување оружје, односно затоа што по заминувањето од Министерството за внатрешни работи не го вратил службениот пиштол марка „Црвена застава“ со кој бил задолжен во 1982 година.
Адвокатите на Верушевски најавија дека ќе ја обжалат пресудата.
Во образложението на судот се вели дека обвинетиот ја добил најниската казна пропишана со законот. За ова дело според законот е предвидена казна од 3 до 10 години затвор.
Судијката која ја изрече казната, рече дека пиштолот ќе се одземе и по правосилноста на пресудата ќе се врати на МВР.
Футролата од пиштолот, кој тој ја бараше како предмет од емотивно значење, беше речено дека судот дополнително ќе одлучи дали да му биде вратена.
– Ова е уште една потврда на се што беше наведено во извештајот на Прибе. Ова е потврда дека Република Македонија е држава во која недостасуваат стандардите на демократско владеење. Ова не е правда, ова е потврда за патологија, рече Верушевски, обраќајќи им се на новинарите.
Во својата одбрана на претходните рочишта Верушевски тврдеше дека од МВР изминативе години знаеле каде е оружјето и никој од него не побарал да го раздолжи.
Ново на Сител
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот