Трговскиот дефицит на САД се зголеми на 91 милијарда долари
Американскиот извоз на стоки се зголеми за 0,3 проценти во јуни на 145,6 милијарди долари, додека увозот значително се зголеми, за 4,7 проценти, на 236,7 милијарди долари.
Трговскиот дефицит на САД се прошири во јуни, бидејќи увозот продолжи да расте како резултат на забрзувањето на економската активност во земјата, што укажува на тоа дека трговијата веројатно ќе ја забави стапката на раст на бруто домашниот производ (БДП) за вториот квартал.
Во САД трговскиот дефицит се зголеми за 3,5 проценти минатиот месец на 91,2 милијарди долари, соопшти Министерството за трговија.
Американскиот извоз на стоки се зголеми за 0,3 проценти во јуни на 145,6 милијарди долари, додека увозот значително се зголеми, за 4,7 проценти, на 236,7 милијарди долари.
Податоците за надворешната трговија беа објавени пред извештајот за економското производство на САД во вториот квартал.
Економистите проценуваат дека растот на БДП на САД во вториот квартал ќе изнесува 8,5 проценти на годишно ниво, што е значително забрзување во споредба со стапката од 6,4 проценти во првите три месеци од 2021 година.
Предвидената стапка на раст за вториот квартал би била највисока од 1983 година и може да значи дека е постигнат максимумот во тековниот циклус.
Популарно од Свет
Ново на Сител
-
Македонија не е мизерна и нема да пропадне ако не влезе во ЕУ, кажа хрватскиот претседател Милановиќ
-
Тема на денот со Татјана Стојаноска Иванова, професорка на Институтот за социологија
-
Милановиќ: Повеќе нема да жалам некого затоа што не може да влезе во ЕУ
-
Пет активни пожари во Македонија
-
Власта и опозицијата со меѓусебни обвинувања за пожарите
-
4 куќи гореа во пожарот во Злокуќани, повредено малолетно дете и двајца пожарникари
-
Како се менуваше насилниот криминал во Македонија изминативе 15 години?
-
Седум повредени од трагедијата во Кочани се уште на болничко лекување во земјата и странство
