Трамп во Русија во 2013 година ја отфрли непристојната понуда

Долгогодишниот директор за безбедност на американскиот претседател Доналд Трамп, Кит Шилер, изјави пред истражителите од комитетот при Долниот дом на Конгресот дека за време на посетата на Русија некој странец се понудил да им прати пет жени во хотелската соба, но дека тој тоа го одбил.

- Не сме заинтересирани, му рекол Шилер на мажот.

Шилер, долгогодишен телохранител на Трамп, им рекол на истражувачите дека Трамп не се однесувал незаконски или непримерно.

Според него, понудата дошла по состанокот кој Трамп го имал во Москва, а на кој присуствувал деловниот магнат Арас Агаларов, близок на Владимир Путин.

Откако се случило тоа, Шилер и Трамп се шегувале во врска со понудата додека се враќале во хотелот.

Трамп беше во Москва по повод годишниот натпревар Мис Универзум,  продуциран од неговата компанија.

Шилеровата долга и блиска врска со Трамп го прави потенцијално достоен сведок во рамките на истрагата за мешањето на Русија на претседателските избори во САД.

Посетата на Трамп во Москва е една од најинтересните тврдења во истражувањето финансирано од демократите за време на претседателската кампања во 2016 година.

Во документот се наведува дека Трамп бил во друштво на проститутки за време на неговиот престој во Москва, што претседателот на САД жестоко го осуди.