Трамп размислува за ревидирање на персоналот во Белата куќа

Американскиот претседател Доналд Трамп размислува за ревидирање на составот на персоналот во Белата куќа и ангажирање на врвни стратези.

Како што се наведува, Трамп е фрустриран поради она што го гледа како неспособност на неговиот тим да се спротивстави на кризата поради наводното мешање на Русија во минатогодишната изборна кампања за претседател на САД.

Според извори блиски на американскиот претседател, Трамп верува дека повеќе се соочува со проблеми во комуникациите отколку со законот.

Вестите за вмешаност на Русија во американските претседателски избори фрлија сенка на првата странска турнеја на Трамп и претставуваат закана за работата на неговата администрација.