Трамп побара во Вашингтон да се организира воена парада

Американскиот претседател Доналд Трамп му наложи на Пентагон да организира воена парада во Вашингтон, соопшти Белата куќа.

Весникот „Вашингтон пост“ информира дека Трамп сакал годинава во Вашингтон да се организира грандиозна воена парада со војници и тенкови.

Претставник на Белата куќа соопшти дека Трамп побарал од Пентагон да размисли за церемонија која на Американците ќе им ја врати почитта кон армијата.

Портпаролот на Пентагон истакна дека тоа Министерство знае за барањето и веќе размислува за одредени варијанти.