Трамп не исклучува војна со Венецуела

Претседателот на САД, Доналд Трамп, изјави дека ја остава отворена можноста за војна со Венецуела, според интервју за Ен-би-си њуз објавено денеска.

-Не го исклучувам тоа, не – изјави тој во телефонско интервју.

Трамп, исто така, рече дека ќе има дополнителни заплени на танкери за нафта во близина на венецуелските води.

Трамп во вторникот нареди „целосна блокада“ на сите санкционирани танкери за нафта што влегуваат и излегуваат од Венецуела, во најновиот потег на Вашингтон за зголемување на притисокот врз владата на Николас Мадуро, насочен кон нејзиниот главен извор на приходи.