Трамп: Мигрантите се закана, забранете им пристап во САД
Кандидатот на Републиканската партија за претседател на САД, Доналд Трамп, повторно ги нападна мигрантите, велејќи им на неговите приврзаници на митингот во Мејн дека на Сомалијците и бегалците од другите „терористички земји“ треба да им се забрани влез во САД.
- Дозволуваме во земјата да влезат луѓе од терористички земји, на кои не би требало да им биде дозволено да влезат затоа што едноставно не можете ефикасно да ги проверите, истакна Трамп, чија кампања се темели на анти-миграциони ставови.
- Ние немаме претстава кои се тие. Тоа би можело да биде најголемиот тројански коњ на сите времиња, нагласи американскиот милијардер и повтори дека терористите, вклучително и припадниците на ИД, кришум ќе влезат во САД како бегалци.
- Тоа е пракса која мора да се прекине, наведе Трамп.
Тој укажа на сомалијската мигрантска популација како пример на „илјадници бегалци“ кои ја преплавија Мејн и другите сојузни држави и кои предизвикуваат проблеми.
Трамп исто така ги спомена бегалците, воглавно од земјите со муслиманско мнозинство - Авганистан, Ирак, Мароко, Пакистан, Филипини, Сомалија, Сирија, Узбекистан и Јемен, кои се упасени во САД поради извршување или закана дека ќе извршат насилни дела, поради учење на регрутите како да направат бомби и други видови на поддршка на терористичките групи.
- Ние имаме работа со животни, разлутено истакна Трамп, обраќајќи се на своите приврзаници и додаде дека Хилари Клинтон сака во оваа земја да дојдат уште стотини илјади лица. Ќе имаме проблем каков што никогаш не сме имале.
Ново на Сител
-
Џафери: Арсовска да ја искоси тревата во дворот на Владата
-
Џафери за бојкотот на претседателските избори: Груби не е влада, ниту партија
-
Зеленски и ја честита победата на Сиљановска-Давкова
-
Сплит: Вработена му помогнала на муштерија да хакира машина за игри на среќа
-
Повлечени 104.000 пакувања леб во Јапонија откако во две биле пронајдени траги од глувци
-
Земјотрес во Србија
-
Најмногу дожд на Попова Шапка во изминатите 24 часа
-
Герасимовски: Лицата со попреченост ќе може да користат бесплатен превоз до болница