Трамп ќе потроши 1,5 милиони долари за рекламирање на своите успеси во првите 100 дена

Телевизиски реклами во вредност од 1,5 милиони евра ќе ги воздигнуваат успесите на американскиот претседател Доналд Трамп постигнати во неговите 100 дена од стапувањето на должност шеф на државата.

Организацијата „Доналд Трамп за претседател“, која беше задолжена за предизборната кампања на Трамп, ги презеде трошоците за рекламите, кои ќе се емитуваат во целата земја и ќе бидат насочени кон одредени гласачки групи на интернет.

Рекламната кампања, насловена како „Првите 100 дена“, ја претставува „јасната визија, одлучното лидерство и бескомпромисната посветеност“ на Трамп кон американскиот народ, се наведува во соопштението на организацијата.