Трамп ќе ги прогласи Русија и Кина за ривали на САД
Американскиот претседател Доналд Трамп денеска би требало да ја претстави новата национална безбедносна стратегија, во која се очекува да ги прогласи Русија и Кина за држави-ривали на САД.
Во објавените извадоци од предложената стратегија пишува дека Русија и Кина се ангажираат да ја направат економијата помалку слободна, ги јакнат своите вооружени сили и капацитетите за контрола на текот на информациите, за да вршат репресија врз своите граѓани.
Двете држави ќе бидат означени и како „ревизионистички сили“ кои работат на поткопување на американската безбедност и просперитет.
Стратегијата, првпат по подолго време, нема да ги вброи климатските промени како безбедносна закана. Трамп презема мерки за да ги запре активностите започнати од страна на неговиот претходник Барак Обама за ограничувањето на климатските промени.
Во новата стратегија ќе биде предвидено дека САД ќе работат на обезбедување на својата енергетска сигурност и економскиот развој, со заштита на животната средина.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“