Трамп: Ќе биде добро доколку бројот на мртви во САД го задржиме под 100.000
Американскиот претседател Доналд Трамп одлучи да ја продолжи препораката за социјално дистанцирање ширум земјата за нови 30 дена, до крајот на април, јавија американските медиуми.
Трамп оваа мерка ја донесе откако експертите го предупредиле на опасноста од ширење на коронавирусот, како и на тоа дека пикот на бројот на жрвите на дневно ниво може да биде достигнат дури за две недели.
Милиони Американци ќе бидат заразени со коронавирус, а во САД може да умрат меѓу 100.000 и 200.000 лица, изјави претходно водечкиот епидемиолог во САД, Ентони Фаучи, а на вчерашната прес конференција, според Си-Ен-Ен, Трамп кажал дека доколку бројот на жртви биде помал од 100 илјади, тогаш ќе значи дека „ е направена добра работа“.
Трамп, кој планираше да ги намали бројот на препораки барем во деловите од земјата кои се помалку погодени од пандемијата, сепак, одлучи да ја продолжи мерката за социјално дистанцирање, со што премолчено призна дека бил преголем оптимист, пренесоа американските медиуми.
Препораките ќе важат и за католички Велигден, што во САД се одбележува на 12 април, до кога Трамп се надеваше дека земјата и нејзината економија повторно ќе почнат да функционираат под полна пареа.
Многу сојузни држави и локални влади воведоа строги контроли за движење и собирања на граѓаните.
Во САД досега се регистрирани на 137.000 заболени од коронавирус , а умреа повече од 2.400 лица.
Ново на Сител
-
Кривична против 14-годишник од Куманово, извршил шест тешки кражби во приватни имоти
-
Жена од Гостивар физички го нападнала своето 4-годишно дете
-
Дмитриев: За постигнување мир во светот мораме да ги исправие грешките на Бајден
-
23-годишник под истрага за илегално држење и продавање марихуана
-
Делчево добива Центар за услуги – дел од националниот портал за дигитални услуги
-
По два дена нормализирано водоснабдувањето во Тетово
-
Дубровник најбезбеден туристички град во Европа
-
Албанија: Ситуацијата со пожарите се уште тешка, целосно пеплосани шест села кај Грамш