Трамп и Макрон разговараа за трговијата и за нападот врз Скрипл

 Американскиот претседател Доналд Трамп денеска телефонски разговараше со францускиот колега Емануел Макрон за начинот на кој САД и Европа би можеле да се договорат за трговијата и за преземање на мерки кон Русија поради случајот со двојниот шпион Сергеј Скрипл.

- Претседателите ја повторија својата солидарност со Обединетото Кралство по употребата на хемиско оружје против цивил на британска територија и се согласија дека е потребно да се преземе акција со која би се повикала Русија на одговорност, се посочува во соопштението на Белата куќа.