Трамп го номинира адвокатот Стенли Вудворд за негов помошник и постар советник во правниот тим на Белата куќа

Новоизбраниот американски претседател Доналд Трамп го номинираше Стенли Вудворд, адвокат кој бранеше неколку негови врвни соработници, како и лица обвинети за упад во Капитол на 6 јануари 2021 година, да му се придружи на неговиот правен тим во Белата куќа.

Тимот на Трамп синоќа соопшти дека Вудворд ќе биде помошник и и постар советник на идниот претседател и ќе работи во тесна соработка со шефот на кабинетот на Белата куќа, функција која претходно беше номинирана за Сузан (Сузи) Вајлс.

Минатиот месец Трамп го номинираше адвокатот Дејвид Ворингтон за шеф на правната екипа на Белата куќа, менувајќи ја одлуката за претходниот кандидат Вилијам Мекгинли, кој се премести да работи со надворешна група предводена од милијардерот Илон Маск и претприемачот Вивек Рамасвами.

Трамп треба да положи заклетва и официјално да ја преземе функцијата на 20 јануари.