Трамп: Белата куќа нема да објавува списоци на посетители

Кабинетот на американскиот претседател Доналд Трамп соопшти дека неговата администрација веќе нема да објавува списоци на посетители во Белата куќа, што претставува прекин на праксата воспоставена од неговиот претходник Барак Обама.

Директорот на службата за комуникации во Белата куќа, Мајкл Дубке изјави дека причина за таквата одлука се „сериозните ризици за националната безбедност, како и загриженоста за приватноста на стотици илјади посетители годишно“.

Приврзаниците на транспарентноста ја поздравија одлуката на Обама овие списоци да и бидат познати на јавноста, иако неговата администрација наведуваше дека тоа не е обврзно според законот, туку е само добра волја на Обама.