Трагедија во Судан: Речиси 250 деца починаа од дијареја

Речиси 250 деца постари од пет години ги загубија животите поради дијареја во Судан во изминатите 10 месеци, соопшти ОН кои наведуваат дека тоа може да прерасне во епидемија.

Од август 2016 година до 2 јуни 2017 година регистрирани се околу 15.000 случаи на акутна дијареја во Судан од кои 280 биле смртоносни, соопшти канцеларијата на ОН за координација на хуманитарни прашања.

Околу 87 отсто од сите случаи се однесуваат на деца постари од пет години кои живеат во 11 региони на Судан меѓу кои и главниот град Картум. СЗО тврди дека нови случаи се регистрираат секојдневно. Официјален претставник од ОН вели дека сезоната на дождови се приближува и ако се продолжи со такво темпо можна е епидемија на таа болест.