Трагедија во Гостивар: Експлодираше плинска боца, едно лице се бори за живот

Четриест и деветгодишен гостиварец е повреден откако експлодирала плинска боца на балконот од станот во кој живеел. Повредениот со изгореници е префрлен на скопските клиники на лекување.

Според првичните сознанија од увидот што е во тек, во стан на улицата „Илинденска“ во Гостивар, од сé уште не познати причини, околу 20 часот дошло до ескплозија на плинска боца. При тоа гостиварецот В.И. се здобил со повреди и бил пренесен во гостиварската болница од каде е препратен на скопските клиники.

Експлозијата опожарила и дел од станот, а огнот со интервенција на противпожарната екипа набрзо бил локализиран и било спречено опожарување на внатрешноста.

Увидини екипи сé уште се на местото и работат на расвелтување на случајот кој предизвика вознемиреност во соседството.