Балкан
10. December 2019 - 15:17

Тирана светна во новогодишно руво

Празнична атмосфера од синоќа завладеа во албанскиот главен град, Тирана.

Иако граѓаните минаа тешки денови како последица на катастрофалниот земјотресот, албанската метропола веќе се обидува да се врати во нормала и празнична атмосфера.

Освен што беа запалени светлата на големата новогодшна елка, традиционално на плоштадот „Скендербег“,украсени со светилки се и улиците и плоштадите.

И покрај дождот на плоштадот беа голем број деца и граѓани. Со нив беа градоначалникот на Тирана,Ерион Велиај и премиерот Еди Рама, кој ја пренесе пораката дека Албанија и Албанците се посилни заедно и ќе ја надминат оваа тешка ситуација по земјотресот.

Градоначалникот Велиај ја објави акцијата „Кутија“,во знак на подршка на децата погодени од земјотресот.

– И децата од Тирана ќе помогнат. Секој ќе земе кутија од чевли и ќе ја наполни со играчки, книги, пенкала за децата во Туман, Драч, Лач и Лежа. Ако ни помогнете да направиме подароци за децата погодени од земјотресот тоа ќе биде најубава Нова Година, апелираше Велиај.

Осветлена новогодшна елка поставена е и во Драч, еден најпогодените од земјотресот.