Тим со пресврт против Федерер до титулата во Индијан Велс
Доминик Тим успеа да го победи Роџер Федерер и да ја освои титулата на турнирот од сериите „Мастерс“ во Индијан Велс. Австриецот стигна до најголемата титула во кариерата по победата со 3:6, 6:3, 7:5.
Федерер, кој претходно овој месец ја освои титула број 100, загуби второ финале по ред во Индијан Велс, откако минатата година отстапи пред Хуан Мартин Дел Потро, и повторно пропушти шанса да стигне до рекордна шеста титула на турнирот во Калифорнија. Денешниот дуел, исто така, беше поврзан со пропуштени шанси. Швајцарецот реализира само 2 од 11 шанси за брејк.
Тим освојува титула од сериите „Мастерс“ за прв пат, откако досега имаше две загубени финалиња. 25-годишниот Австриец до крајот на минатата година беше еден од ретките со позитивен биланс против Роџер. Сега тој повторно го врати овој статус, откако статистиката е 3 победи за Тим против 2 за Швајцарецот.
Со овој успех Доминик го претекна својот ривал и од денес ќе биде четврти во светот, а Федерер петти.
Ново на Сител
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје
-
Остин: Нема индиции дека Хамас планира напад врз американски војници во Појасот Газа
-
„Цитроен“ удрил во електричен тротинет, повредени двајца малолетници
-
РБГ: Расте индексот на слободата на медиумите во Македонија