Тијана потресена од состојбата во Македонија: Сочуство до семејствата, апел за помош

Поп пејачката Тијана Дапчевиќ е фрапирана од тоа какви последици остави невремето во Македонија.

Во силното невреме што го погоди Скопје и околината загинаа 21 лице, а прогласена е и вонредна состојба.

-Главно настрадаа околните села околу Скопје. Самиот град главно не е оштетен. Апелирам до сите да и помогнат колку можат на Македонија и на загрозените зошто голем број луѓе останаа без своите домови. Повеќе илјади луѓе останаа без дом и многу се евакуирани. Јас се вратив од таму и ужасно е тоа што се случи. Како да паѓаа кофи вода, а не капки, рече Тијана за српски Курир.

-Сега стравувам да не дојде до земјотрес. Тоа најмногу ме загрижва. 1963. во неколку секунди цело Скопје беше срамнето со земја, наведе Тијана за порталот и додаде дека нејзиното семејство во Македонија не претрпело штета, но и покрај се, стравува за натамошната ситуација.

-Изјавувам сочуство до семејствата на настраданите и уште еднаш апелирам до целиот регион да и помогне на Македонија, вели Тијана.