Тиери Бретон нов кандидат на Франција за европски комесар

Франција го предложи Тиери Бретон за свој кандидат за европски комесар за индустрија, соопшти денеска Канцеларијата на претседателот Емануел Макрон.

Првиот избор на Париз за функцијата еврокомесар беше Силвија Гулар, која, на незадоволство од Франција, не доби поддршка од Европскиот парламент.

Бретон е директор во технолошката групација „Атос“ од 2009 година и поранешен министер за финансии во владата на поранешниот француски претседател Жак Ширак.

Секоја членка на ЕУ именува по еден кандидат за ЕК, а нивниот избор мора да биде потврден од Европскиот парламент.