Тевдовски: Буџетскиот дефицит за 2018 година ќе биде под 2,9 отсто од БДП
Владата планира да го намали буџетскиот дефицит за 2018 година под 2,9 отсто од БДП, колку што изнесува оваа година и една од опциите е да издаде меѓународна обврзница на глобалниот пазар, вели министерот за финасии Драган Тевдовски во интервју за Блумберг.
- Одлучни сме дефицитот следната година да биде незначително помал од оваа година, во согласност со нашата намера за постепена фискална консолидација. Што се однесува до 2018 година, издавање меѓународна обврзница е исто така опција, имајќи ги предвид поволните услови на меѓународниот пазар, посочува Тевдовски во интервјуто што го пренесе МИА..
Владата, нагласува, планира да ја промени својата политика кон спроведување поголема социјална правда и ќе го замени постојниот рамен данок од 10 отсто за персонален данок на доход и данок на доход на претпријатија со прогресивна стапка.
Тој за Блумберг оценува дека стапката на инфлација следната година ќе биде 1,7 проценти, со што ќе се зголеми од еден отсто колку што е проектирано за 2017 година.
Во Министерството за финасии веќе се подготвува Буџетот за наредната година.
Ново на Сител
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија
-
Едно лице загина, осуммина се повредени при уривање на зграда во Истанбул
-
Приведен дилер од Свети Николе
-
62-годишник во Кочани се самозадоволувал пред малолетничка