Тешко повреден работник во каменолом во Росоманско

Работник бил тешко повреден вчера во каменолом во Росоманско, информираа денеска од Секторот за внатрешни работи Велес. 

- Вчера во 11.45 часот во ОВР Кавадарци било пријавено дека во каменолом во близина на село Дебриште, општина Росоман, К.К.(61) од Кавадарци, додека вршел работни задачи, управувал товарно возило „мерцедес“ со кавадаречки регистарски ознаки, возилото се превртело. Притоа, тој се здобил со тешки телесни повреди, констатирани во болницата во Кавадарци. Известен бил јавен обвинител, а увид на местото извршила увидна екипа од ОВР Кавадарци, соопштија од СВР Велес. 

Синоќа  во 18.30 часот во ОВР Кавадарци, Е.Н.(22) од Кавадарци пријавила дека на улица „Вишешница“ во Кавадарци била физички нападната од В.Т.. Се преземаат мерки за расчистување на настанот.