Тешка сообраќајка во Македонија - четири лица повредени

На регионалниот пат Куманово- Св.Николе, во атар на селото Градиште, вчера околу 09.40 часот се случила сообраќајна незгода помеѓу патничко возило „фолксваген пасат“, со скопски регистарски ознаки, управувано од 20-годишниот Д.М. од селото Ранковце, кривопаланечко и товарно возило „там“, со светиниколски регистарски ознаки, управувано од 37-годишниот И.А. од селото Долно Ѓуѓанце, светиниколско.

Во незгодата со тешки телесни повреди се здобил Д.М. и бил пренесен во болницата во Куманово за укажување на лекарска помош.

Додека, со телесни повреди се здобил возачот И.А. и сопатниците во патничкото возило Т.Љ. и Љ.А., кои, исто така, биле пренесени во болницата во Куманово за укажување лекарска помош.

Увид на местото извршила екипа од СВР Куманово.