Тереза ​​Меј оптимистична по постигнувањето компромис со ЕУ за Брегзит

Постигнувањето компромис за Брегзит разбуди ново чувство на оптимизам за продолжување на преговорите за трговски договори меѓу Лондон и Брисел, вели британската премиерка Тереза ​​Меј во говорот, кој денеска ќе го одржи во Долниот дом на парламентот, а кој го објави нејзиниот кабинет..

- Се разбира, ништо не е договорено додека не се договори се. Според мене, сепак постои нов оптимизам во преговорите и силно се надевам и очекувам да ги потврдиме преземените обврски на Европскиот совет оваа недела, истакнува Меј.

Таа ќе учествува на самитот во Брисел планиран за четврток, на кој се очекува лидерите на останатите 27 земји од ЕУ да го одобрат заклучокот на преговарачите дека земјите постигнале доволен напредок за да преминат на втората фаза во преговорите.