Теленор го отфрли Хуавеј и го избра Ериксон за 5Г
Најголемиот норвешки оператор за безжична телефонија, „Теленор“, ја избра шведската фирма „Ериксон“ за испорака на дел од опремата на својата нова брза 5Г мрежа, со што стави крај на десетгодишната соработка со кинескиот технолошки гигант „Хуавеј“.
Компанијата вчера објави дека постепено ќе ја отстранува опремата Хуавеја додека ја надградува радиоопремата за следната генерација на мобилна мрежа.
„Теленор“ изврши обемна проценка на безбедноста при изборот на партнер, имајќи ги предвид факторите како што се технички квалитет, комерцијални услови и способноста за иновација и модернизација, информираше извршниот директор на „Теленор Груп“ Сигве Бреке.
– Врз основа на сеопфатна проценка, решивме да воведеме нов партнер за оваа важна технолошка промена во Норвешка, рече Бреке.
„Теленор“ соопшти дека ќе продолжи да ја користи опремата од кинеска компанија за време на транзицијата во нова мрежа во следните четири до пет години.
Теленор има мобилни мрежи во нордиските и други европски земји и Азија.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228