Таубер: Германија нема да ја смени политиката кон бегалците

Конзервативната Христијанскодемократска унија (ЦДУ) на канцеларката Ангела Меркел нема да ја промени политиката кон бегалците, изјави генералниот секретар на партијата Петер Таубер по вчерашните регионални избори во Германија.

И вицепремиерот Зигмар Габриел, лидер на социјалдемократите наведе дека Германија „има јасна линија за политиката кон бегалците и ќе се придржува до неа“.

Христијансоцијалната унија (ЦСУ), баварски партнер на Христијанскодемократска унија ја критикува политиката на Меркел кон бегалците и инсистира на промена на курсот.

- Причина за лошите изборни резултати на ЦДУ е политиката која дозволува бескраен и неконтролиран бран на бегалци. Единствена логич/на последица е да се смени политиката кон бегалците изјави пратеникот Ханс Михелбах.