-->
-->
Тајсон не успеа да го победи помладиот Џонс
-->
Рано утринава, во егзибициски меч во „Стејплс центарот“ во Лос Анџелес 54-годишниот Мајк Тајсон се врати во рингот по пауза од 15 години. Ги вкрсти ракавиците со 3 години помладиот Рој Џонс Јуниор.
Боксуваа 8 рунди по 2 наместо по стандардните 3 минути. Судиите мечот го прогласија нерешен, а Мајк Тајсон веднаш побара реванш.
Еден од најголемите тешкаши на сите времиња беше лут по ваквиот епилог. Беше многу мотивиран, во секоја рунда влегуваше експлозивно, но по дваесетина секунди остануваше „без здив“.
Бруталните удари овојпат изостанаа, единствено имаше кратка размена во петтата рунда. На крајот на секоја рунда Тајсон беше разочаран и одбиваше да оди во својот агол од рингот, додека Џонс ги избегнуваше ударите.
Во последната рунда „челичниот“ даде се од себе, но не успеа Џонс да го испрати на подот.
„Ремито е очекуван и најправеден исход. Многу сум среќен што повторно бев во рингот. Иако две минути сега траат како на времето три, пак ќе се борам. Мора да го повториме мечот, сакам реванш“ – рече Тајсон по мечот.
Неговиот противник вели дека нема намера да го повтори ова искуство.
„Ударите на Тајсон и понатаму се застрашувачки“ – рече тој.
Од овој пријателски бокс меч Тајсон ќе заработи околу 10, а Џонс околу 3 милиони долари. „Челичниот“ се обврза парите да ги донира во добротворни цели.
-->
-->
-->
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија