Таблети за ученици Роми во Берово

Во Берово пристигна донацијата од 30 таблети наменети за ученици Роми кои потекнуваат од семејства со ниски примања и од многудетни семејства, кои наставата ја посетуваат од далечина. Од општината информираа дека станува збор за донација од Советот на Европа, како дел од активностите на Ромактед програмата.

– Таблетите на учениците од основните и средните училишта им ги додели градоначалникот Звонко Пекевски кој честитајки им ги празниците посака да ги користат уредите за забава и игра, но пред се, истите да им послужат за да можат да се вклучат во онлајн наставата, истакнаа од Општината.

Фирдеска Зекирова координатор на Локалната акциска група изрази голема благодарност до Советот на Европа, за обезбедените таблети за учениците Роми од Берово.

– Во следниот период не само за учениците Роми, туку и за дечињата од другите националности во Берово, кои имаат потреба, ќе се обезбедат паметни уреди за следење на онлајн настава. Целта на Ромактед програмата е да ги вклучи Ромите на локално ниво, врз принципот на добро локално владеење и имплементација, рече Зекирова.

Додаде дека за таа цел ќе следува процес на формирање на Акциска група на заедницата и заеднички Акционен план за ученици Роми од семејства со ниски примања и од многудетни семејства кои наставата ја посетуваат од далечина