СЗО стравува од избивање колера во Украина, се подготвуваат вакцини
Светската здравствена организација се подготвува за потенцијално избивање колера во Мариупол, каде се оштетени голем број инфраструктурни објекти. Тоа го изјави синоќа менаџерката на СЗО за инциденти во Украина, Дорит Никан.
– Многу цевки се оштетени, а добиваме информации од терен дека се измешани канализацијата и водата за пиење, појасни Никан.
Како што таа истакна, СЗО ова го оценува како огромна закана од појава на многу инфекции, вклучително и колера.
Беше нагласено оти се подготвуваат вакцини за колера, постои соработка со невладини организации и партнери, кои можат да дојдат во Мариупол да им дадат поддршка на луѓето.
СЗО за Европа потврди 226 напади на здравствени установи во Украина од почетокот на руската инвазија, што сочинува две третини од сите напади на здравствената заштита во светот годинава, соопшти директорот Ханс Клуге.
Тој информираше за најмалку 75 жртви во нападите, а 59 лица се здобиле со повреди.
– Овие напади не се оправдани, тие никогаш не се во ред и мора да се истражат, додаде Клуге.
Здравствената агенција на ОН ќе ги сподели деталите за нападите со украинските власти и со други независни истражители.
Клуге е длабоко вознемирен од извештаите за растечкото сексуално насилство во Украина, како и од потенцијалното избивање на колера во окупираните делови на земјата.
Ново на Сител
-
Лукаревска: Лимитот за поврат на ДДВ за тримесечје ќе се зголеми од 1.800 на 2.100 денари од наредната година
-
Павле Трајанов: Ќе бараме да ги видиме двата предлога
-
Владините коалициски партнери го разгледуваат францускиот предлог
-
Резултати од државната матура: Средната оценка од екстерните испити е 3,78 и е повисока од лани
-
Љубчо Георгиевски: Се уште не сме го виделе францускиот предлог, но не треба целосно да се отфрла
-
МВР: Да се одјават возилата чија сообраќајна дозвола не е продолжена повеќе од две години
-
Синодот на МПЦ-ОА со апел за зачувување на македонските национални интереси
-
Борисов повика Бугарија да го финализира францускиот предлог за Република Северна Македонија