СЗО: Повеќе од половината сиромашни држави во светот немаат доволно вакцини против Ковид-19

Повеќе од половина  сиромашни држави кои добиваат вакцини против коронавирусот преку програмата за размена Ковакс немаат доволно залихи за да продолжат со вакцинацијата, изјави советникот во Светската здравствена организација, Брус Ајлвард.

– Би рекол дека од 80 земји АМЦ (сиромашни земји), барем повеќе од половина немаат доволно вакцини за да ги одржат своите програми за вакцинација, нагласи Ајлвард на брифинг.

– Некои од нив веќе воопшто немаат вакцини, додаде тој.

Во исто време, генералниот директор на СЗО, Тедрос Аданом Гебрејесус, наведе дека разговара со бројни компании и институции за создавање центар за трансфер на технологија за вакцини против коронавирус во Јужна Африка.