СЗО: Околу 3.300 луѓе умираат секоја година во БиХ од загадување на воздухот

Според проценките на Светската здравствена организација, во БиХ годишно умираат 558 од 100.000 луѓе од директни последици од загадување на воздухот, додека Сараево често се наоѓа на врвот на листата на најзагадени градови во светот.

Истражувањето спроведено во октомври 2019 година покажува дека во БиХ околу 3.300 луѓе годишно умираат предвреме како резултат на изложеност на загадување на воздухот со ПМ2.5.

Околу 16 отсто од овој товар на болеста паѓа на Сараево и Бања Лука.

Како што пренесува сараевскиот портал Кликс, граѓаните на БиХ, но и земјите од регионот, повеќе вдишуваат отровни честички од оние во другите земји, поради широката употреба на цврсти горива за греење и готвење, а на Балканот се уште постојат голем број постројки на јаглен и лигнит.

Оттаму се додава дека седум од десетте најзагадувачки термоелектрани во Европа се наоѓаат на овој простор.

Затоа, бројни експерти, но и странски организации, постојано предупредуваат дека борбата против аерозагадувањето е од клучно значење и бара итна акција