Светска банка одобри 280 милиони долари за Авганистан

Одборот на Светска банка одобри префрлање на 280 милиони американски долари од замрзнатиот фонд на Авганистан на две хуманитарни агенции, со цел да и помогне на земјата да се справи со нестабилната економија по доаѓањето на власт на талибанците и повлекувањето на САД на 31 август 2021 година.

Донаторите од Фондот за реконструкција на Авганистан (АРТФ), управуван од Светска банка, мора прво да го одобрат трансферот пред парите да дојдат до Светската програма за храна и УНИЦЕФ.

Триесет и еден донатор од таа група утре треба да се состанат на таа тема.

Одборот на Светска банка во вторникот одржа неформален состанок, на кој се разговараше за трансферот до 500 милиони американски долари, од вкупно 1,5 милијарди долари колку што има во АРТФ за за хуманитарна помош.