Свекорот на убиената пејачка пред полиција: "Син ми е верник, верниците не убиваат"

Зоран Марјановиќ, сопругот на Јелена Крсмановиќ Марјановиќ која беше ѕверски мачена и убиена, и понатаму се наоѓа во полиција. Мажот на пејачката на Гранд и покрај тоа што ги помина полиграфските тестирања, е задржанво полицијата, а неговиот татко очаен го чека надвор, бидејќи како што вели тој е верник, а верниците не убиваат.

Владимир Марјановиќ пред Министерството за внатрешни работи, 29 Ноември, го чека својот син, кој како што вели е невин. 

- Мојот син е верник, а тие не убиваат. Не си ја грешете душата, не му ставајте на душа нешто што не направил. Не сведочете лажно против блиските, вели тој за Курир.

Поради некои контрадикторности, сопругот на убиената пејачка е задржан во полиција. Тој го помина првиот полиграф, па беше повторно испитуван. Го помина и вториот полиграф, а сега полицијата ќе одлучи дали ќе го држи 30 дена во притвор.

Полицијата го испитува и автомобилот на Зоран.