Сугарески и Нурковиќ разговараа за соработка во авиосообраќајот

Министрите за транспорт на Македонија и на Црна Гора Горан Сугарески и Осман Нурковиќ денеска на средба во Скопје разговараа за искуствата од спроведување на политиките во ависообраќајот, како и можностите и условите за искористување на капацитетите на аеродромите во двете земји.

Министерот Сугарески го информирал црногорскиот колега за условите што ги нуди државава на авиокомпании заинтересирани да оперираат во Македонија. Развојот на авиосообраќајот, потенцирал Сугарески, е еден од приоритетите на Министерството за транспорт и врски и сите активности што ќе се реализираат во следниот период ќе бидат во насока на обезбедување  широка мрежа на дестинации во Европа и светот, соопшти Министерството за транспорт и врски на РМ.

Двајцата министри се заложиле за подобрување на односите меѓу Македонија и Црна Гора во економијата и транспортот.

На средбата, покрај министерот Сугарески, присуствувале и министерот за привлекување странски инвестиции Аднан Ќахил, како и менаџментот на концесионерот со македонските аеродорми  ТАВ.