Судир помеѓу два автомобила во Скопје, повредени двајцата возачи

На  25.07.2021 во 19.15 часот во СВР Скопје било пријавено дека на ул.„Методија Андонов Ченто“ се случила сообраќајна незгода помеѓу патничко возило „сеат“, со скопски регистарски ознаки, управуван од З.Т.(56) од Скопје и патничко возило „хјундаи“, со скопски регистарски ознаки, управувано од А.С.(27) од Скопје.

Во незгодата З.Т. се здобил со тешки телесни повреди, констатирани во Комплексот клиники „Мајка Тереза“, а со телесни повреди се здобил А.С., констатирани во Градската општа болница „Св.Наум Охридски“. Извршен бил увид на местото на незгодата од увидна екипа од СВР Скопје.