Судењата во Кривичен за кои постојат услови да се одржат, нема да се одлагаат
Сите закажани судења, за кои постојат услови да бидат одржани, нема да се одлагаат, се до евентуално нови напатствија од Министерството за правда или Судскиот совет на Република Северна Македонија, се наведува денеска во соопштението на Основниот кривичен суд Скопје.
Заради заштита на правата на обвинетите и оштетените во сите постапки, Судот апелира дека какви било злоупотреби на препораките за заштита од коронавирусот со единствена цел – одолговлекување на судењата нема да се толерираат и строго ќе се санкционираат.
Во соопштението Кривичен ги известува граѓаните дека согласно препораките на Владата на РСМ за спречување на ширење на коронавирусот како и заклучокот на Министерството за правда, судот доследно ги почитува препораките и ги презема сите мерки за заштита на
вработените и странките кои се движат во рамки на судот.
За таа цел сите вработени кои изминатиот период биле надвор од земјата како и сите бремени жени, хронично болни, како и родители на деца помали од 10 години, а кои побарале ослободување, се ослободени од работа.
Судниците, шалтерите, ходниците, лифтовите и тоалетите секојдневно се чистат и дезинфицираат од службите за одржување, се вели во соопштението.
медиумите и пред се адвокатите кои се најчести „посетители“ на судот, совесно да се однесуваат и да се водат по препораките на Владата, се наведува во соопштението на Кривичен.
-Се работи за сопственото здравје, но се работи и за здравјето на сите останати со кои може да имате контакт во судот, се вели во соопштението.
Ново на Сител
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово
-
Тошковски: Да се фокусираме на професионалноста, а не на етничкиот предзнак
-
Фич: Курсот на денарот и банкарскиот сектор остануваат стабилни
-
Кривична пријава за криумчарење мигранти
-
Приведен крадец во тетовско
-
АХВ нареди нови мерки на ЈКП„ Комуналец“ од Струмица